Kawe dok pahe...

Kawe baru pah kelik kelate.
Cito dio, kawe punye staf eksiden.
Jari putuh tekepik kak chen-blok.
Nok cite diteil takuk kore dok pahe.
Panje pulok cito nanti.
Sebak tanok panje, kawe buwi hok pendek deh.

Cito pendek dio, kawe ni keno la gi jenguk staf ni.
Nok setel hok mane patok. Bayor duik bedoh dio belako-belako la.
Nayo ko dio sebak doh nok masuk 3 hari dok bedoh2 jugok.
Staf kawe ni kabo jari berdenyuk-denyuk sakik ni.
Kawe tanye la bik boh nok buak guano...bik boh kabo molek buat praibesi serjeri.
kawe pon uruh la dio punyo pembayare nok bagi derah staf ni sehak molek.

Hok menariknyo...(bukan tarik nyior, tapi menariknye)
Hospita hok staf kawe dudok nih hospita usm kube kerie.
holoh...holoh...holoh...!!
Come come la cek mek kijo sano.
Staf kawe hok dok teriok sakik pon dok jadik teriok.
Hati terubak dok nengok bidadari merawak.
Kawe pulok hok nok leleh air mato nengok ko jari staff ni dok jadi leleh!
Air liur pulok leleh nengok misi-misi di nu.
tamboh pulok dokter-dokter pelatih segar bugar...meme molek sangak la.

Kawe pulok under-kaver molek.
Belakon kemah, dok longga.
Kecek kelate pah perabih belako cayo kawe ore kelate.
Kahkahkah! siot je.

2 hari di kelate, kawe sempak la jumpo Yah geng keramaiye ni.
Kawe paw make tengohari. Timo kaseh banyok la, Yah!
Kenye peruk kawe make Nasik Ule (ulam) cicoh denge budu!
Sek'eh peruk kawe tengohari tuh.

Pete pah aso, kawe pon kelik smula ko kuate.
On de Wei tuh, saing kawe teringin pulok nok minum air nira.
Singgoh la kejak warung tepi jale.
Pah abeh minum, kawe denge dio sibuk cari mempele mudo.
Cito dio, bini dio kak umoh ngidam.
Cari-cari...jumpo la. Kabo saing kawe hok beloh ganu...kelate musim mempele lor nih.
Tempak lain tadok. Kawe doh dapak mempele tuh, teruh kelik teke sampa 130 km/j.
Sampa la kawe kak kuate ni kol 11.45 male. Penak abeh kawe!!

(paham ke? buat2 paham la...)